عنوان الموضوع " ياللي مفكر نفسك كبير في دايما اللي اكبر منك "
بصو يا جماعه انا بيتي اتخرب النهرده تعالوا كدا اقولكم حاجه واللي يقدر يساعد يساعد واللي عاوز يتعلم يتعلم ومالو بس اهم حاجه محدش يشمت عشان متتحطش في نفس الموقف
اولا اللي ميعرفنيش انا اسمي احمد السيوفي "ملك ادسنس" بلا فخر
شغال ادسنس من سنه واحده بس مش من 5 ولا 8 سنين زي الناس القديمه
النهرده حسابي اتقفل وكل اللي عامله راح وكمان مديون بفلوس والله اعلم وبعض الاعضاء معانا هنا عارفين
انا وصل ارباحي الشهر دا من ادسنس 74 الف دولار .. والحساب اتقفل
اول حاجه عملتها قمت صليت ركعتين وفضلت احمد ربنا اكتر من 5 دقايق
مش هاقولكم كنت شغال سليم واحلف بقى والحركات دي بس لما اقولك انا شغلي مسطره يبقى مسطره
المهم فلاش باك من 5 شهور كدا كنت شغال ادسنس وكان ارباحي في الشهر مابين 2 : 4 الاف دولار وكانت مستوره قامت صفحاتي كلها اتقفلت
حلفت اني لارجع واحاول مالاول تاني وحاولت وعملت صفحه وكبرتها ووثقتها واشتغلت واشتغلت واشتريت ترافيك وبوستات مدفوعه وممول فيس وممول ادوورد "بالحلال" لحد ما وصل ارباحي الهرده 74 الف دولار وكسور وبعد كل الحساب اتقفل وكل شئ ضاع
انا لما وثقت في ربنا اول مره وحمدته وشكرته اداني المكسب التاني عشان كدا هاثق فيه تاني واحمد واشكره وابدا تاني وافتكرم البوست دا كويس عشان هاشيل لنكو عندي لما انزل البوست الجديد
المهم عشان منطولش كتير :
1 اوعى تزعل على حاجه راحت اللي بيروح دايما بييجي احسن منه مبيجيش اقل منو
2 اوعى تشتغل حرام
3 متنساش صدقه ربنا من فلوسك عشان تطهرها
4 مفيش حاجه اسمها انا اتحسدت بس في حاجه اسمها نفوس مريضه متداريش عشان بتخاف مالحسد لا داري عشن النفوس المريضه
اللي يقدر يساعد بقي يبقى له حد في ادسنس ويفتح الدساب وله 25 الف دولار حلوه المساعده دي مش كدا
واخيرا واولا الحمد لله والشكر لله على كل شئ واهي شده وهتزول بامر الله زي اللي قبلها
ليست هناك تعليقات :
إرسال تعليق